ECUADOR KAMAYKA ECUADORPA SHUTIPI COLOMBIAPAI KAKTAMI KAYARKA, SHINALLATAK SINCHITA RIMASHKA KILLKASHKATAMI KACHAKRIN

Quito, 2088 wata, marzo killa, 1 puncha.- Llakta Pushak Rafael Correaka Ecuadorpa shutipi Colombiapi Bogotápi kaktami kayarka, shinallatak Colombia Kamayman shuk sinchi rimashka killkashkatami kachashun nirka.Llakta Pushak chay shinami paypa Mutsuk Wasi pushak Wellington Sandovalwanpash, Llakta Ukupi Kanchapi Llaki illachi Wasi pushak Gustavo Larreawanpash kay tuta Guayaquilmanta tikrashpa willakkunaman Quito Antanka Chayanapi nirka.Llakta Pushakka Álvaro Urubeka “Colombiamanta llakta pushak kunan tutamantami kayarka, chaypimi Colombiamanta makanakukkuna FRAC nishkawan makanakushkata willarka, FARC nishkamnata makankaukkunaka Ecuadorpimi mitikushkarka, shinapash tukyachishpa kattishkarka, chaymantami Colombiamanta makanakukkunaka mitsarina karkakuna nin. Chashnapimi Colombiamanta shuk makanakukka wañushka, 17 FARC nishkamanta wañushka, 11 shinaka chukrishkami kan. Wañushkakunapika Raúl reyesmi kan. Ñukanchik makanakukkuna chayman chayankamanmi shuyakunchi, chaypi kakpimi ima shina kashkata yachashun, FARC nishkamantaka chaypika puñukushkakunallami, chayka Ecuadorpimi kashka Colombiamanta ishkay kilómetro shinapimi kashka, shinaka paykunataka puñukukpimi wañuchishkakuna, shinaka Ecuadorpa wayramanmi yaykushka, paykunaka mushuk yuyay yachaykunawanmi chashna wañuchishka, kipaka ñukanchik llaktamanmi yaykushka, shinami Reyestaka llukshichskakuna, shinapash 15 wañushkataka chaypi shitashpami rishkakuna, chaytami ñukanchik makanakukkunaka tarishkakuna, shinallatah ishak warmi chukrishkakunatapashmi tarishkakuna” nirka.Llakta Pushakka “chashna rurachunaka mana sakishunchu, ñuak yuyaypika, Uribe pushakka mana allitata yachashkatami yuyachina, shina kakpika, payka paypa makanakuk pushakkunatami huchachishpa llakichina kan, paykunami paytaka umashkakuna, mana alli willashka, shinami imapash karua llaktakunawan killkashka pankakunataka mana paktachishka, mana kashpaka Uribeka llullarkami. Imapash kachun tukuya chayka hatun llakimi kan, Ecuadorka ima shina kashkata alli yachankakamanmi tapuchikunka” nirka.
Nota completa y traduccion al español AQUI